Borim Fire Case: बोरीत कचऱ्याला लावली आग; शेड जळून खाक

Borim Fire Case: बोरी ग्रामपंचायतीने साठवून ठेवलेल्या कचऱ्याला आज रविवार 11 रोजी संध्याकाळी 5 वाजण्याच्या दरम्यान अज्ञात इसमाने आग लावल्याने कचरा साठवून ठेवलेली शेड व कचरा जळून खाक झाला.

खाजोर्डा बोरीच्या डोंगरमाथ्यावर असलेल्या क्रीडा मैदान शेजारी जी शेड आहे या शेडमध्ये ग्रामपंचायतीतर्फे गावातील एकत्रित केलेला कचरा साठवून ठेवला जातो. तसेच वाहनातून आणलेला कचरा शेडच्या बाहेरही ठेवला जातो.

आज संध्याकाळी या शेडमधील कचऱ्याला अज्ञात इसमाने आग लावल्यावर कचऱ्याने पेट घेतला. शेडवरील पत्रे या आगीच्या ज्वालानी तापून वाकडे झाले.

या कचरा यार्डला आग आगल्याची तक्रार फोंडा अग्निशमन दलाला मिळताच अग्निशमन दलाची गाडी घटना स्थळी आली व आग विझविण्याचा प्रयत्न

केला. तोपर्यंत पूर्ण कचरा जळून गेला होता. दोन महिन्यापूर्वीच येथील कचऱ्याला कोणी तरी आग लावली होती. दर दोन तीन महिन्याने दुर्गम भागातील या कचरा यार्डला अज्ञात व्यक्तीकडून आग लावण्याचे प्रकार सतत घडू लागले आहेत. या आगीमुळे भिंतीचे आणि छपराचे नुकसान झाले आहे.