Goa College Admission: राज्यातील महाविद्यालयांच्या ऑनलाईन प्रवेश प्रक्रियेच्या पहिल्या फेरीला सोमवारपासून प्रारंभ

Goa College Admission: राज्यातील सरकारी आणि अनुदानित महाविद्यालयांमध्ये 2023-2024 या शैक्षणिक वर्षाकरिता ऑनलाइन प्रवेश प्रक्रियेला सोमवार दि. 29 पासून प्रारंभ होत आहे.

उच्च शिक्षण संचालनालय (DHE) गोवा यांच्या प्रशासकीय नियंत्रणाखालील येणाऱ्या सरकारी आणि अनुदानित महाविद्यालयांमध्ये बीए, बीकॉम, बीएससी, यांसारख्या अभ्यासक्रमांच्या प्रथम वर्षासाठी तसेच बी.ए. एल.एल.बी. बी.ए.बी.एड, संगीत, थिएटर, होम सायन्स, बीएसस्सी अॕग्रीकल्चर, बीसीए, बीबीए, पीजीडीटी, पीजीडीसीए, बीपीएड या विभागांसाठीची ही प्रथम फेरी आहे.

तरी विविध शाखांच्या प्रवेशासाठी अर्ज करावेत, असे आवाहन उच्च शिक्षण संचालनालयातर्फे डाॕ.महादेव गावस यांनी केलेले आहे.

इथे साधू शकता संपर्क

सोमवार, 29 मे 2023 सकाळी 11 वाजल्यापासून सुरू होतील. इच्छुक अर्जदारांनी सोमवार, 29 मे 2023, सकाळी 11 वाजेपासून https://dhe.goa.gov.in/resource/getPage/ugadmissions वर उपलब्ध असलेल्या कॉमन पोर्टलद्वारे अर्ज करावेत.

विद्यार्थी त्यांचे ऑनलाइन अर्ज भरण्यासाठी तसेच कोणत्याही सहाय्यासाठी प्रवेशाच्या तारखांना महाविद्यालये किंवा DHE गोवा कार्यालयात देखील भेट देऊ शकतात.

- डॉ. महादेव गवस, उच्च शिक्षण संचालनालय, गोवा

अशा आहेत विद्यार्थ्यांना सूचना

1. पोर्टल अर्जदारांसाठी ऑनलाइन अर्ज प्रक्रियेबद्दल तपशीलवार मार्गदर्शक तत्त्वे प्रदान करेल.

2. संबंधित महाविद्यालयाच्या वेबपोर्टलवर मोफत ई-प्रॉस्पेक्टस उपलब्ध असेल.

3. सेल्फ फायनान्स प्रोग्राम्ससाठी अर्ज करण्यास इच्छुक असलेले अर्जदार देखील त्याच पोर्टलद्वारे अर्ज करू शकतात.

4. या पोर्टलद्वारे, अर्जदार त्यांच्या प्राधान्यांच्या आधारावर गोव्यातील जास्तीत जास्त तीन महाविद्यालयांमध्ये अर्ज करू शकतात.