'Vande Bharat Express'बद्दल प्रवाशांचा नाराजीचा सूर; म्हणाले, विमान प्रवास...

'Vande Bharat Express मुंबई गोवा दरम्यान धावणाऱ्या ‘वंदे भारत एक्सप्रेस’ रेलगाडीचा आज पंतप्रधान नरेंद्र मोदी यांच्या हस्ते शुभारंभ करण्यात आला. आधुनिक सुविधा आणि आरामदायी प्रवास यामुळे या रेलगाडीची सर्वत्र चर्चा आहे. मात्र, या गाडीच्या प्रवासासाठी असणारे भाडे सध्या चर्चेचा विषय ठरत असून त्यापेक्षा विमान प्रवास परवडला अशी प्रतिक्रिया प्रवाशांमधून व्यक्त होत आहे.

तिकिटांची तुलना

१ मुंबईतील छत्रपती शिवाजी महाराज टर्मिनस आणि गोव्यातील मडगाव रेल्वे स्थानक या दरम्यान धावणाऱ्या वंदे भारत रेल्वेच्या वातानुकूलित डब्यातील खुर्चीचे भाडे १,९७० रुपये आहे. तर, एक्झिक्युटिव्ह खुर्चीसाठी ३,५३५ रुपये मोजावे लागणार आहेत.

२ त्या तुलनेत मुंबई ते गोवा विमान प्रवासाचे दर ऑनलाइन तपासले असता ते ‘वंदे भारत’च्या प्रवासापेक्षा कमी असल्याचे दिसून आले.  आजचा तिकीट दर १८०८ रुपये, ४ जुलैसाठी १९०८ रुपये आणि ७ जुलैसाठी २,५७२ रुपये आहे.