पणजी, ता. २६ (प्रतिनिधी)ः दिल्लीतील लीटल फ्लावर चर्चची (Little Flower Church) इमारत पाडण्याची सरकारला कल्पना नव्हती असे सांगणारे दिल्लीचे मुख्यमंत्री अरविंद केजरीवाल (Arvind Kejriwal) खोटे बोलत आहेत. दिल्ली विकास प्राधिकरणावर आम आदमी पक्षाचे पंड्या (Pandya) व भारती (Bharti) हे दोन आमदार सदस्य आहेत. त्यांनी सरकारला कारवाईची कल्पना दिली नसेल असे असूच शकत नाही, असा दावा सांताक्रूझचे आमदार आंतोनिओ (टोनी) फर्नांडिस (Tony Fernandes) यांनी पत्रकार परिषदेत केला. (Goa)
भाजप कार्यालयात घेतलेल्या पत्रकार परिषदेत ते म्हणाले, मंदिरासाठी असलेली नोटीस चर्चवर चिकटवण्यात आली. नंतर ती नोटीस मागे घेतली व चर्च पाडली. मंदिर वाचले. मी मंदिरही पाडले पाहिजे असे म्हणत नाही, पण कोणत्याही कारवाईला धार्मिक रंग देऊ नये. केजरीवाल चर्च पाडली जात असताना गोव्याच्या वाटेवर होते व येथे येऊन त्यांनी नामानिराळे राहण्याचा प्रयत्न केला. त्यांनी केंद्र सरकारकडे बोट दाखवले. मात्र, स्थानिक सरकारच कारवाईला जबाबदार आहे. ते पुरावे गोळा करेपर्यंत वेळ लागल्याने याविषयी भूमिका घेण्यासाठी वेळ घेतला. आम आदमी पक्षाने अल्पसंख्याक ख्रिस्ती समुदायाचा भावना दुखावल्या आहेत.
मुख्यमंत्री डॉ. प्रमोद सावंत यांना पिलार फेस्ताला बोलावले होते. त्यांनी चर्चमध्ये राहून आपण धार्मिक आधारावर भेद करणार नाही असा शब्द दिला, त्याचे कौतुक ख्रिस्ती धर्मियांना आहे. याउलट केजरीवाल फूट पाडण्याचा प्रयत्न करत आहेत. केजरीवाल यांना दिल्लीतून येऊन आमच्यावर टीका करण्याचा अधिकार नाही. आमचे मतदार आम्हाला हवा तर जाब विचारतील. आमदार चर्चिल आलेमाव यांनी दिल्लीत भेट देऊन पाहणी केली आहे. त्यांनी तेथून दूरध्वनीवर सर्व माहिती दिली आहे. आम्ही ख्रिस्ती आमदार चर्च पुन्हा उभी रहावी यासाठी प्रयत्न करू. मुख्यमंत्र्यांशीही याबाबत बोलू. पक्षांतरासाठी २० कोटी रुपये घेतले नाहीत हे कोणत्याही चर्चमध्ये सांगण्याची माझी तयारी आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
