Calangute BJP: कळंगुटचा विकास हा केवळ भाजपमुळेच झालेला आहे. त्या विकास कामांचे श्रेय कुणा व्यक्तीकडे जात नसून पक्ष संघटनेच्या सांघिक कार्याचे यश असल्याचे कळंगुट मतदारसंघ (Calangute Constituency) भाजपाचे संभाव्य उमेदवार गुरूदास शिरोडकर यांनी सांगितले. येथील श्री शांतादुर्गा संस्थानात मंदिरात देवी चरणी सामुहिक प्रार्थना केल्यानंतर आपल्या प्रचाराची सुरुवात करताना स्थानिक पत्रकारांशी शिरोडकर बोलत होते.
यावेळी त्यांच्यासमवेत महिला मोर्चाच्या गीता परब, कळंगुट भाजपा गट मंडळाचे यशवंत कांदोळकर, अल्पसंख्याक गटाचे विरेन परैरा, युवा मोर्चाचे सिद्धीक गोवेकर तसेच मोठ्या प्रमाणात भाजपा कार्यकर्ते उपस्थित होते. दरम्यान, येत्या विधानसभा निवडणुकीसाठी (Goa Assembly Elections 2022) गुरुवारी जाहीर करण्यात आलेल्या एकूण 34 उमेदवारांच्या यादीत कळंगुट मतदार संघातून आपले नाव जरी नसले तरी भाजपच्या (BJP) वरिष्ठांनी आपल्याला अनौपचारिकरित्या प्रचाराची सुरुवात करण्याचे आदेश दिल्यानेच आपण आपल्या समर्थकांसमवेत शुक्रवार पासून प्रचाराची खर्याअर्थाने सुरुवात करत असल्याचे शिरोडकर यांनी यावेळी सांगितले.
गेल्या दहा वर्षांत विकासाचा पाया जो भाजपने या कळंगुटात घातलेला आहे तो आपणा सर्वांना पुढे न्यायचा आहे असे शिरोडकर यांनी यावेळी सांगितले. श्री. शांतादुर्गा संस्थान नंतर गुरुदास शिरोडकर यांनी आपल्या समर्थकांसमवेत खोब्रावाडा कळंगुट येथील जाग्रुत श्री. बाबरेश्वर देवाचेही दर्शन घेतले.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
