वेश्या व्यवसायात युवती पुरविण्याचा आरोप असणाऱ्या महिलेचा जामीन फेटाळला

मडगाव: परराज्यातील युवतींना गोव्यात (Goa) आणून त्यांना वेश्या व्यवसायास लावण्याच्या आरोपाखाली अटक करण्यात आलेल्या अहमदनगर (Ahmednagar) महाराष्ट्र येथील संशयित हिना पठाण (Hina Pathan) हिने जामिनासाठी केलेला अर्ज दक्षिण गोव्याच्या अतिरिक्त सत्र न्यायाधीश शर्मिला पाटील (Sharmila Patil) यांनी फेटाळून लावला.

सदर महिलेला कोलवा पोलिसांनी 15 ऑक्टोबर रोजी कोलवा किनाऱ्याजवळ असलेल्या पार्किंग जागेत अन्य दोघा हरियाणा (Haryana) येथील संशयितासह अटक केली होती. ग्राहकांशी फोनवर संपर्क साधून त्यांना पुरविण्यासाठी सदर संशयितांनी 3 युवती आणल्या होत्या. त्यांची पोलिसांनी त्यावेळी त्यांची सुटका केली होती.