Illegal construction at Vagator: वागातोर येथील अवैध बांधकामाला 5 लाखांचा दंड; अनेकांचे धाबे दणाणले

राज्य सरकारने पर्यटनाचा दर्जा उंचावण्यासाठी कडक नियमावलीचा अंवलंब केला आहे. त्यामुळे गेल्या काही दिवसांपासून कारवाईचा सुरु केली आहे. अशीच कारवाई वागातोर समुद्र किनाऱ्यावर प्रशासनाने अवैध बांधकाम करणाऱ्यांवर केली होती. ही कारवाई मोडणाऱ्या एकाला न्यायालयाने दणका दिला आहे.

(The court has imposed a fine of 5 lakh on the illegal construction on Vagator beach)

मिळालेल्या माहितीनुसार वागातोर किनाऱ्यावर गोवा पर्यटन विकास मंहामंडळाच्या जमिनीवरील अवैध बांधकाम गेल्या काही दिवसांपुर्वी जमिनदोस्त केले होते. असे असताना एका व्यक्तीने पुन्हा या क्षेत्रात बांधकाम केले असल्याचं लक्षात आल्यानंतर याची दखल घेतली. व संबधित व्यक्तीला तब्बल 5 लाख रुपयाचा दंड ठोठावला आहे. केवळ न्यायलायाने दंड ठोठावलेला नाही. तर आठवड्याभरात तो जमा करण्याचे आदेश दिले आहेत. त्यामुळे अनेकांचे धाबे आता दणाणले आहेत.

नियमावलीचे उल्लंघन केल्याने केली दंडात्मक कारवाई

वागातोर येथे गोवा पर्यटन विकास मंहामंडळाच्या जमिनीवरील बांधकाम हटवले होते. ही कारवाई काहीच दिवसांपुर्वी झाली आहे. असे असताना देखील जाणीवपुर्वक पुन्हा या नियमावलीचे उल्लंघन केल्याने ही दंडात्मक कारवाई करण्यात आली आहे. यामुळे अशा प्रकारे पुन्हा आपले ठिय्या या ठिकाणी मांडण्याच्या प्रयत्नात असलेल्यांचे धाबे दणाणले आहेत. तसेच या दंडात्मक कारवाईमुळे अशा कृत्यांना आता आळा बसणार आहे.

किनारी भागातील कायदा बांधकामावर पंचायत व पोलिसांची नजर आवश्यक

या पार्श्वभूमीवर उच्च न्यायालयाने आज दिलेल्या निर्णयानुसार किनारी भागात कोणतेही बेकायदा बांधकाम येणार नाही याची दक्षता संबंधित पंचायत व पोलिसांनी घ्यावी. असे बेकायदा बांधकाम आढळल्यास पंचायत, पोलीस जबाबदार असतील असे उच्च न्यायालयाने म्हटले आहे. त्यामूळे आता पंचायत व पोलिसांना अशा बांधकांवर लक्ष ठेवत कारवाई करावी लागणार आहे.