भाजप सरकार हे फक्त भ्रष्टाचाराने भरलेले सरकार; गिरीश चोडणकर

ताळगाव मतदार संघातील जनतेच्या समस्या लक्षात घेत कॉंग्रेस नेते गिरीश चोडणकर (Girish Chodankar) यांनी आज पत्रकार परिषद घेत काही योजना त्यांनी जनतेसमोर मांडल्या आहेत. यात प्रामुख्याने गेल्या 20 वर्षांपासून रखडलेल्या ताळगाव मतदार संघाचा विकास व्हावा यासाठी, पक्षातील अनेक नेत्यांनी एकत्र येत हा जाहीरनामा तयार केला आहे अशी माहिती त्यांनी यावेळी दिली. भाजपने ताळगावच्या जनतेचा विश्वास घात केला आहे. यात प्रामुख्याने बाबुश मोंसरात यांचा समावेश आहे. भाजप नेत्यांमध्ये भ्रष्टाचार करण्याची स्पर्धा गेल्या 10 वर्षात पाहायला मिळत आहे. त्यामुळे गोव्याचा विकास खुंटला आहे. तसेच भाजपमधील अनेक नेत्यांनी पक्ष बदलले आहेत. त्यामुळे जनतेने भाजपच्या (BJP) नेत्यांवर विश्वास ठेऊ नये.

आम्ही शेतकऱ्यांसाठी अनेक योग्य त्या योजना राबवणार आहे, कारण शेतकऱ्यांवर सरकार अवलंबून आहे. भाजप सरकार हे फक्त भ्रष्टाचाराने भरलेले सरकार आहे. आम्ही अस न करता ताळगावच्या जनतेला वीज आणि पाण्याच्या अडचणीपासून सोडवणार आहे, तसेच एक मोठे मार्केट देखील आम्ही जनतेसाठी ताळगावमध्ये उभारणार आहोत अस मत त्यांनी यावेळी मांडले.