Mahadayi Water Dispute: 'आरजी'च्या पदयात्रेवर ठाणे पंचायतीचा आक्षेप, पोलिसांनी पदयात्रा रोखली

म्हादई प्रश्नाबाबत जनजागृती करण्यासाठी रिव्होल्युशनरी गोअन्स पार्टी (आरजीपी) आजपासून (सोमवार) ठाणे- सत्तरी येथून नऊ दिवसांची पदयात्रा सुरू करणार असल्याचे आरजीपी प्रमुख मनोज परब यांनी याविषयी बोलताना सांगितले होते.

'पक्षाची ही राज्यभरातील 100 किमीची पदयात्रा भावी जलसुरक्षेसाठी आहे असेही त्यांनी स्पष्ट केले होते. मात्र आज जनजागृतीसाठी काढलेली ही पदयात्रा सत्तरी येथील ठाणे पंचायतीजवळ पोलिसांनी रोखली. यावेळी मोठ्याप्रमाणावर पोलीस फाटा तैनात होता.

दरम्यान या पदयात्रेविषयी आरजीपी प्रमुख मनोज परब म्हणाले होते कि, म्हादईचे संरक्षण करण्यात सरकार अपयशी ठरले आहे हे गोवावासियांना समजावून सांगण्यासाठीच आमचा हा मोर्चा असून यात आम्ही लोकांना नदीचे महत्त्व पटवून देणार आहोत.म्हादईप्रश्नी गोवा सरकार कर्नाटकला रोखण्यात अयशस्वी ठरलंय. त्यासाठी मोर्चाच्या माध्यमातून आम्ही लोकांना एकत्र करीत आहोत. मात्र आज पहिल्याच दिवशी हि पदयात्रा ठाणे पंचायतीने रोखली आहे.

सविस्तर वृत्त थोड्याच वेळात