म्हापुसा : केरी समुद्र किनाऱ्यावरील 1600 मीटर गॅबियन संरक्षण भिंत बांधल्यानंतर तीन वर्षांनी समुद्री संरक्षणाच्या सर्वोत्तम उपायांपैकी एक मानली जाणारी टेट्रापॉडची झीज होत असल्याने भिंत कोसळण्याचा धोका दिवसेंदिवस वाढत असल्याचे दिसत आहे. 2008 साली 4.2 कोटी रुपये खर्च करून केरी समुद्रकिनारी 1600 मीटर गॅबियन संरक्षण भिंत बांधण्यात आली होती. समुद्र किनाऱ्यावरील जमिनीची झीज कमी करण्यासाठी दीर्घकालीन उपाय योजना म्हणून टेट्रापॉड्स ठोस रचना करण्यात आली आहे. (The tetrapod wall on Kerry beach is on the verge of collapsing due to increased erosion)
दरम्यान, समुद्र किनाऱ्यावर संरक्षण भिंत तयार करण्यासाठी टेट्रापॉड बसविण्याचे काम 2012 मध्ये सुरू झाले होते आणि सुमारे चार वर्षांपूर्वी म्हणजे 2017 मध्ये ते पूर्ण झाले. मात्र भिंतीचा पाया पाण्याखाली येत असल्याने भिंतीच्या बाजूला असणारे टेट्रापॉड्स अस्थिर होत आहेत. त्यामुळे समुद्र किनाऱ्यावर जाणाऱ्यांसाठी हे धोकादायक बनले आहे. गोव्याच्या सुवर्ण महोत्सवी पॅकेजअंतर्गत टेट्रापॉडच्या भिंत दुरुस्तीसाठी आणि केरी, अंजुना, कॅन्डोलिम, उटोर्डा, मजोर्डा, बेतालबाटीम, तळपोना आणि पोलेम येथे समुद्रकिनार्‍याच्या जीर्णोद्धारासाठी केंद्र सरकारने 85 कोटी रुपये मंजूर केले होते.
केरी समुद्र किनाऱ्यावरील 650 मीटरच्या भागात प्रत्येकी एक टनचे 1200 टेट्रापॉड आणि 2000 ब्लॉक तुटलेल्या अवस्थेत आहेत. यामुळे समुद्रकिनार्‍याचा हा प्रभावित भाग नदी-समुद्राच्या संगमावर आहे. अशातच पावसाळ्यात जोरदार प्रवाहाचा देखील याच्यावर प्रभाव पडत आहे. तर किनारपट्टीवरील कॅसुरीनाची झाडे भरपूर प्रमाणात होती, परंतु गेल्या काही वर्षात उपटून टाकण्यात आली आहे..
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.