Potholes Patched but Roads Not Resurfaced At Mandrem Arambol Chopdem
हरमल: मांद्रे मतदारसंघातील चोपडे ते हरमल या रस्त्याची खड्ड्यांमुळे झालेली बिकट स्थिती सुधारण्यासाठी प्रशासनाने खड्डे बुजविण्याचे काम सुरू केल्याने वाहनचालकांनी समाधान व्यक्त केले, तरी ही दगड, वाळू सुके मिश्रण घालून तात्पुरती सोय केली. हा तात्पुरता मुलामा निरुपयोगी असून थेट डांबरीकरण योग्य होते, असे मत संतप्त वाहन चालकांनी व्यक्त केले.
दरम्यान, काल सकाळी पेट्रोल पंप परिसरात खड्ड्यांमध्ये सुके मिश्रण घालण्याचे काम सुरू होते. अनेक वाहन चालकांनी संताप व्यक्त केला. सुके मिश्रण नेमके काय परिणाम साधेल, खड्डे बुजवल्याचे समाधान आहे. मात्र, सततच्या वाहनांच्या वर्दळीमुळे मिश्रण सुटसुटीत होऊन केवळ धुरळा उडेल व त्याचा फटका पुन्हा वाहनचालक व नजीकच्या आस्थापनांना बसेल.कित्येक ठिकाणी फक्त माती टाकली,त्यावर रोलर फिरवलाच नाही,असे मत वाहन चालक अल्बेट डिसोझा यांनी व्यक्त केले.
सध्या पर्यटन हंगाम सुरू असून, पर्यटकांची जीवघेणी कसरत रस्त्यांतून होत असते. कित्येक अपघात झाले, कित्येकजण वाहनावरील ताबा जाऊन पडल्याने जखमी झाले होते. वरवर खड्डे बुजवल्याचे दाखवण्यापेक्षा ठोस उपाय हवा. पैशांचा अपव्यय टाळण्यास थेट डांबरीकरण व्हावे,असे मत अल्बेट डिसोझा यांनी व्यक्त केले.
हरमल बामणभाटी आगरनजीकचा साधारण दीडशे मीटरचा रस्ता पूर्णतः वाहून गेल्याने,चालकांची भंबेरी उडते, त्यात अपघात होण्याची शक्यता असून, त्या मार्गाचे किमान डांबरीकरण होणे गरजेचे आहे.
सर्वेश हरमलकर, वाहन चालक
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.