Goa News : शिक्षकांनी विद्यार्थ्यांच्या प्रतिभेला वाव द्यावा : सुभाष शिरोडकर

Goa News : कुडचडे, शिक्षकांनी विद्यार्थ्यांमधील प्रतिभा अचूक हेरून त्यांना आवश्यक शिक्षणाकडे वळवावे. शिक्षक विद्यार्थ्यांचे भवितव्य घडवतात, असे प्रतिपादन जलस्रोतमंत्री सुभाष शिरोडकर यांनी केले.

दिगास-पंचवाडी येथील न्यू इंग्लिश हायस्कूलमध्ये आयोजित केलेल्या रोबोटिक कार्यशाळेत प्रमुख पाहुणे म्हणून ते बोलत होते.

यावेळी व्यासपीठावर गोवा सरकारचे संकल्प प्रकल्प संचालक विजय बोर्जेस, यंत्रमानव अभियंता कशीष प्रभुदेसाई, अभियंते सचिन शिरोडकर,

प्रा. सिया गुडे, जिल्हा पंचायत सदस्य नारायण कामत, शिक्षण संस्थेचे अध्यक्ष दामोदर पार्सेकर, खजिनदार राया देसाई, व्यवस्थापक संतोष भांगी, सहखजिनदार गिरीश भांगी, मुख्याध्यापिका विद्या विर्नोडकर व इतर मान्यवर उपस्थित होते.

विद्यार्थ्यांनी आकाशात झेप घेण्याची जिद्द बाळगावी येत्या दहा-पंधरा वर्षांत शिक्षणामध्ये मोठे बदल घडून येतील.

दरवर्षी गोव्यात पंचवीस हजार विद्यार्थी शालान्त परीक्षेला बसतात. त्यातील केवळ पाच हजार विद्यार्थी विज्ञान शाखेत प्रवेश मिळवतात तर दीड हजार विद्यार्थी तंत्रज्ञान विभाग निवडतात, असे सुभाष शिरोडकर म्हणाले.