Tarun Tejpal Case: आव्हान याचिकेवरील सुनावणी 16 नोव्हेंबर रोजी

पणजी: गोव्यातील (Goa) एका नामांकित हॉटेलातील कार्यक्रमावेळी सहकारी तरुणीवरील कथित बलात्कार प्रकरणातून निर्दोष सुटलेल्या तरुण तेजपाल (Tarun Tejpal) यांच्याविरुद्ध दाखल केलेल्या आव्हान याचिकेवरील सुनावणी आज मुंबई उच्च न्यायालयाच्या (Mumbai High Court) गोवा खंडपीठाने तहकूब करुन 16 नोव्हेंबर दुपारी अडीच वाजता ठेवली आहे.

ही सुनावणी इन कॅमेरामध्ये घ्यावी तसेच ही आव्हान याचिका तग धरू शकत नाही यासाठी तेजपाल यांच्या वकिलांनी गोवा खंडपीठात अर्ज सादर केला आहे मात्र ही सुनावणी इन कॅमेरामध्ये घेण्याची आवश्यकता भासत नाही असे संकेत गोवा खंडपीठाने आज झालेल्या प्राथमिक सुनावणीवेळी दिले.