पणजी: ‘तहलका’ नियतकालिकाचा माजी मुख्य संपादक तरुण तेजपाल याच्याविरुद्धच्या २०१३ मधील लैंगिक अत्याचार प्रकरणात आता सर्वोच्च न्यायालयात दोन्ही बाजूंकडून याचिका दाखल झाल्याने कायदेशीर संघर्ष तीव्र झाला आहे.
मुंबई उच्च न्यायालयाच्या गोवा खंडपीठाने ६ ऑगस्ट रोजी सुनावलेल्या १० वर्षांच्या सक्तमजुरीच्या शिक्षेला तरुण तेजपालने गुरुवारी सर्वोच्च न्यायालयात आव्हान दिले. गोवा खंडपीठाने त्याला सुनावलेली १० वर्षे सक्तमजुरीची शिक्षा व दिलेला दोषसिद्धीचा निर्णय रद्द करा, अशी मागणी त्याने केली आहे.
दुसरीकडे, गोवा सरकारने १८ ऑगस्ट रोजी याचिका दाखल करून तेजपालच्या शिक्षेत वाढ करून जन्मठेपेची मागणी केली आहे. गोवा सत्र न्यायालयाने २०२१ मध्ये तेजपालची निर्दोष मुक्तता केली होती. मात्र, उच्च न्यायालयाने तो निकाल रद्द केला आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
