तांबडीसुर्ला, प्रसिद्ध पर्यटनस्थळ असलेल्या येथील श्री महादेव मंदिर व परिसराला सध्या प्लास्टिकचा विळखा पडला आहे. तसेच येथील श्री बाराभूमी मंदिर परिसरातील नदीकाठी मद्यपींचा धिंगाणा वाढत चालला आहे.
त्यामुळे नागरिक प्रचंड संताप व्यक्त करीतआहेत.
श्री महादेव मंदिर हे पर्यटन नकाशावर प्रसिद्ध असल्याने मोठ्या संख्येने पर्यटक येथे भेट देतात. मात्र अनेक पर्यटक हे बेशिस्तपणे वागतात व केरकचरा कुठेही फेकतात. या संपूर्ण परिसरात सध्या कचऱ्याचा खच दिसून येतो.
हा परिसर स्वच्छ ठेवण्यासाठी पंचायत, स्वयंसेवी संस्था, क्लब वगैरे स्वच्छता मोहीम राबवीत असतात तरी येथील कचरा समस्या उग्र होत चालली आहे. बहुतांश रस्त्याच्या कडेला प्लास्टिक बाटल्या व अन्य कचऱ्याचा खच दृष्टीस पडतो. ''आरोग्य एक्स्प्रेस'' या संस्थेने नुकतीच स्वच्छता मोहीम राबवली.
या मोहिमेत सरपंच प्रिया खांडेपारकर, पंच संजना नार्वेकर आदी सहभागी झाले. समावेश होता.
श्री बाराभूमी मंदिर परिसरातील नदीकाठी मद्यपींचा धिंगाणा वाढत चालला आहे. नदीकाठ केरकचऱ्यांनी भरला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
