Taleigao Panchayat Election : तिघांची माघार; चौघे बिनविरोध, सात वॉर्डमध्ये दुहेरी लढत

पणजी, ताळगाव पंचायत निवडणुकीसाठी आज अर्ज मागे घेण्याच्या दिवशी तिघांनी माघार घेतली.

त्यामुळे आमदार बाबूश - जेनिफर मोन्सेरात गटाच्या ‘ताळगाव प्रोग्रेसिव्ह डेव्हलपमेंट फ्रंट’च्या बिनविरोध निवडून आलेल्यांची संख्या चार झाली, परंतु उर्वरित सात वॉर्डमध्ये फ्रंटकडून बिनविरोध करण्याचे प्रयत्न असफल झाल्याचे दिसून आले. त्यामुळे या वॉर्डमध्ये फ्रंटच्या सात उमेदवारांसमोर सात अपक्ष उमेदवार राहिल्याने ही लढत दुहेरी होणार हे स्पष्ट झाले आहे.

त्यामुळे आमदार बाबूश - जेनिफर मोन्सेरात गटाच्या ‘ताळगाव प्रोग्रेसिव्ह डेव्हलपमेंट फ्रंट’च्या बिनविरोध निवडून आलेल्यांची संख्या चार झाली, परंतु उर्वरित सात वॉर्डमध्ये फ्रंटकडून बिनविरोध करण्याचे प्रयत्न असफल झाल्याचे दिसून आले.

त्यामुळे या वॉर्डमध्ये फ्रंटच्या सात उमेदवारांसमोर सात अपक्ष उमेदवार राहिल्याने ही लढत दुहेरी होणार हे स्पष्ट झाले आहे.

वॉर्ड क्रमांक १ मधील मयूर उस्कैकर हे काल रात्री आई व बहिणीसह गायब होते, त्यामुळे या वॉर्डमध्ये खळबळ उडाली होती.

आज त्यांनी अर्ज मागे घेतल्याने वॉर्ड १ मधून सिद्धी राजेंद्र केरकर (बोरभाट), वॉर्ड सहामधून प्रतिमा शिरोडकर यांनी माघार घेतल्याने इस्टेला डिसोझा, तर वॉर्ड ११ मधून डायस यांनी माघार घेतल्याने सिडनी बिनविरोध निवडून आले, तर वॉर्ड क्रमांक १० मध्ये सागर बांदेकर यांचाच एकमेव अर्ज होता, त्यामुळे ते यापूर्वीच बिनविरोध निवड झाल्याचे स्पष्ट झाले होते.

अर्ज मागे घेतल्यानंतर निवडणूक रिंगणात असलेल्या उमेदवारांना बोलावून मामलेदार लक्ष्मीकांत देसाई यांनी पंचायत निवडणुकीविषयीची आचारसंहिता व नियमावली समजावून सांगितली.

७ प्रभागांतील १७ केंद्रावर मतदान

अकरा वॉर्डसाठी १९ हजार ३४९ मतदार मतदान करणार होते. त्यात ९ हजार २०६ पुरुष आणि १० हजार १४३ महिला मतदारांचा समावेश होता.

त्यासाठी २६ मतदान केंद्रावर मतदान घेतले गेले असते, परंतु आता अकरापैकी चार वॉर्डमधील उमेदवार बिनविरोध निवडून आल्याने सात वॉर्डमध्ये १७ केंद्रावर मतदान प्रक्रिया पार पडणार आहे. त्यामुळे ११ हजार ९८८ मतदार मतदान करतील. त्यात ५ हजार ६९० पुरुष, तर ६ हजार २९८ महिला मतदरांचा समावेश आहे.