राष्ट्रीय व राज्याच्या महामार्गाच्या बाजूने असलेल्या सखल जमिनीमध्ये बेकायदेशीरपणे मातीचा भराव घालून बुजवणे तसेच बेकायदेशीर बांधकामांविरुद्ध कठोर कारवाई करण्यासाठीचा आदेश सरकारने काढला आहे.
संबंधित जिल्हाधिकारी, उपजिल्हाधिकारी, मामलेतदार व भरारी पथकांना तातडीने कारवाईची विशेष मोहीम सुरू करण्याचे निर्देश देऊन हयगय करणाऱ्यांविरुद्ध शिस्तभंगाची कारवाई केली जाईल,असा इशारा दिला आहे.
राज्यात राष्ट्रीय व राज्याच्या महामार्गालगत परवानगीविना भराव टाकून जमिनी बुजवण्याचे प्रकार सुरू आहेत. हे प्रकार रोखण्यासाठी गोवा भू (बांधकाम प्रतिबंधक)१९५५, भू महसूल कायदा ३३ अन्वये कारवाईचे निर्देश दिले आहेत.
अवैध बांधकाम रोखण्याची गरज
उल्लंघनाची माहिती मामलेदारांनी उपजिल्हाधिकाऱ्यांना दिल्यावर त्याविरुद्ध भू महसूल संहितेखाली त्वरित कारवाई सुरू करावी, असे निर्देश देण्यात आले आहेत. अवैध बांधकाम किंवा मातीचा भराव टाकल्याचे आढळल्यास संबंधिताविरुद्ध ४८ तासात कारवाई करावी. रस्त्यालगत अवैध बांधकाम उभे राहणार नाही, यावर संबंधित अधिकाऱ्यांनी लक्ष ठेवावे, असे आदेशात म्हटले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
