Sunburn Festival: 'दक्षिण गोव्यात सनबर्नचे आयोजन हे सरकारचे पिल्लू...'; सरदेसाईंचा सरकारवर हल्लाबोल

MLA Vijay Sardesai Criticized Government: आमदार विजय सरदेसाई यांनी सरकारवर दक्षिण गोव्यातील या फेस्टिव्हलच्या आयोजनावरुन सरकारवर निशाणा साधला.
Sunburn Festival: 'दक्षिण गोव्यात सनबर्नचे आयोजन हे सरकारचे पिल्लू...'; सरदेसाईंचा सरकारवर हल्लाबोल
MLA Vijay Sardesai Criticized GovernmentDainik Gomantak
Published on
Updated on

Sunburn Festival: राज्यात सनबर्न फेस्टिव्हलवरुन राजकारण सुरु झाले आहे. गोवा फॉरवर्ड पक्षाचे सर्वेसर्वा आणि आमदार विजय सरदेसाई यांनी पत्रकार परिषद घेऊन दक्षिण गोव्यातील या फेस्टिव्हलच्या आयोजनावरुन सरकारवर निशाणा साधला. दक्षिण गोव्यात सनबर्नचे आयोजन होणार हे सरकारने सोडलेले पिल्लू आहे, असे सरदेसाई म्हणाले. दक्षिणेत होणाऱ्या विरोधाचा दाखला देत भाजप सरकारला उत्तर गोव्यातच सनबर्नचे आयोजन करायचे असल्याचा दावा यावेळी सरदेसाई यांनी केला.

दरम्यान, या फेस्टिव्हलवरुन विरोधकांनी सरकारला घेरण्यास सुरुवात केली आहे. अॅडव्होकेट राधाराव ग्रेसियस यांनीही सनबर्न फेस्टिव्हलवरुन सरकारवर सडकून टीका केली. ग्रेसियस म्हणाले की, सरकारने सनबर्न फेस्टिव्हल (Sunburn Festival) गुजरातला हलवावा, जिथे त्यांनी चांगला विकास केला आहे. मी सर्व पंचायती आणि नगरपालिकांना सनबर्न फेस्टिव्हलला विरोध करण्याचा ठराव पारित करण्याची विनंती करतो.

Sunburn Festival: 'दक्षिण गोव्यात सनबर्नचे आयोजन हे सरकारचे पिल्लू...'; सरदेसाईंचा सरकारवर हल्लाबोल
Sunburn Festival: गोव्याची प्रतिमा मलिन करणारा 'सनबर्न' गोव्यातून कायमचा हद्दपार करा - हिंदू जनजागृती समिती

वर्षाअखेरीस दरवर्षी उत्तर गोव्यातील (North Goa) वागातोर येथे सनबर्नचे आयोजन केले जाते. यावर्षी मात्र याचे स्थान बदलून ते दक्षिणेत स्थलांतरीत करणार असल्याची घोषणा आयोजकांनी शुक्रवारी केली. या घोषनेनंतर गोव्यातील नेते आणि सामाजिक कार्यकर्ते आक्रमक झाले आहेत.

Sunburn Festival: 'दक्षिण गोव्यात सनबर्नचे आयोजन हे सरकारचे पिल्लू...'; सरदेसाईंचा सरकारवर हल्लाबोल
Sunburn Festival Goa 2023: सलग तिसऱ्या दिवशीही सनबर्नमध्ये चोरट्यांचा डल्ला; तब्बल 80हून अधिक मोबाईल फोन 'गायब'

विरोधी पक्षनेते युरी आलेमाव यांनी याप्रकरणी तात्काळ प्रतिक्रिया देत उत्तर गोव्यात ड्रग, गुन्हे यांचे साम्राज्य निर्माण केल्यानंतर भाजप सरकारने आता दक्षिण गोव्यावर वक्रदृष्टी वळवली असल्याचा आरोप त्यांनी केला. तसेच, कसल्याही परिस्थितीत दक्षिण गोव्यात सनबर्न होऊ देणार नाही, असा इशाराही त्यांनी पत्रकार परिषदेतून दिला.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Related Stories

No stories found.
Goa News on Dainik Gomantak
dainikgomantak.esakal.com