Sunburn Festival and Music Festivals in Goa: गोव्यात मोठ्या प्रमाणात इव्हेंट, विविध कार्यक्रम होत असतात. प्रामुख्याने डिसेंबर महिन्यात पर्यटकांची जास्त रेलचेल असते. 8 तसेच 9 डिसेंबरला गोव्यात इंडिया बाईक वीक सुरू आहे. तसेच शेवटच्या आठवड्यात सनबर्नचे आयोजन करण्यात आले आहे. या पार्श्वभूमीवर किनारी भागात मोठ्या आवाजात संगीत असते; ज्यामुळे स्थानिकांना याचा नाहक त्रास सहन करावा लागतो.
डिसेंबरमध्येच ‘सनबर्न’पाठोपाठ आणखी किमान तीन ईडीएम म्हणजेच इलेक्ट्रॉनिक डान्स म्युझिक होऊ घातले असून उत्तर गोव्याच्या किनारपट्टी भागात यावर्षी स्थानिकांची झोप अक्षरशः उडणार आहे. याबाबत नागरिकांनी अनेकदा तक्रारीही दाखल केल्या आहेत. त्यामुळे आता खुद्द हायकोर्टाचीच याकडे विशेष नजर असणार आहे.
इव्हेंट्मध्ये नियमांचे उल्लंघन झाल्यास किंवा ध्वनिप्रदूषण झाल्यास कार्यक्रम बंद पाडण्याचे निर्देश कोर्टाने दिले आहेत. कार्यक्रमस्थळी असलेली उपकरणे जप्त करण्याच्या सूचनाही देण्यात आल्या आहेत.
तसेच, नियम मोडणाऱ्यांवर थेट खटला चालवण्याचे आदेश आता कोर्टाने दिले आहेत. सोबतच या कार्यक्रमांमध्ये डेसिबल पातळीचे उल्लंघन होणार नाही याची खबरदारी घ्यावी, असे निर्देश सरकारी यंत्रणांना देण्यात आले आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.