डिचोलीच्या उपनगराध्यक्षपदी सुखदा तेली बिनविरोध

डिचोली : डिचोली पालिकेच्या रिक्त उपनगराध्यक्षपदी अखेर अपेक्षेप्रमाणे सुखदा कमलाकर तेली यांची निवड झाली आहे. आज (शुक्रवारी) झालेल्या पालिका मंडळाच्या बैठकीत त्यांची बिनविरोध निवड झाली. (Bicholim Deputy Mayor Sukhada Teli)

अर्ज भरण्याच्या कालच्या मुदतीपर्यंत सुखदा तेली यांनी एकटीनेच उपनगराध्यक्ष पदासाठी अर्ज भरला होता. निर्वाचन अधिकारी दीपक वायंगणकर यांनी हा अर्ज ग्राह्य धरून सौ. तेली यांची उपनगराध्यक्षपदी निवड झाल्याचे अधिकृतपणे जाहीर केले. यावेळी डिचोली पालिकेचे मुख्याधिकारी क्लेन मदेरा यावेळी उपस्थित होते.

सहा नगरसेवक अनुपस्थित

उपनगराध्यक्ष निवडण्यासाठी आज बोलाविण्यात आलेल्या बैठकीस मावळत्या उपनगराध्यक्ष तनुजा गावकर यांच्यासह राजाराम गावकर, रियाज बेग दीपा शिरगावकर, ऍड. अपर्णा फोगेरी आणि गुंजन कोरगावकर हे सहा नगरसेवक अनुपस्थित होते. तर नगराध्यक्ष कुंदन फळारी यांच्यासह आठ नगरसेवक उपस्थित होते.