डिचोलीत विवाहित युवकाची गळफास लावून आत्महत्या

डिचोली: सर्वत्र नव वर्षाच्या स्वागताची धामधूम पसरली असतानाच, डिचोलीत एका 34 वर्षीय विवाहित युवकाने आत्महत्या करण्याची घटना घडली आहे. मयत युवकाचे नाव मुक्ता प्रभाकर डिचोलकर असे असून, तो गावकरवाडा-डिचोली (Bicholim) येथील रहिवासी होता. मुक्ता याने शहराबाहेर न्यू वाडा-वाठादेव परिसरात शुक्रवारी दुपारी त्याने झाडाला नायलॉन दोरीच्या सहाय्याने गळफास लावून आत्महत्या केली.

मुक्ता याने आत्महत्या का केली त्याचे नेमके कारण समजू शकले नसले, तरी गेल्या काही दिवसांपासून त्याची मनस्थिती ठिक नव्हती. अशी माहिती मिळाली आहे. मयत मुक्ता हा वीज खात्यात नोकरीला होता. त्याच्या मागे पत्नी आणि एक लहान मुलगा असल्याची माहिती मिळाली आहे. डिचोली पोलिसांना (Bicholim Police) घटनेची माहिती मिळताच, घटनास्थळी जाऊन पंचनामा केला. आणि मृतदेह उत्तरीय तपासणीसाठी गोमेकॉत पाठविला.