वास्को: कसमशेळ, बेतोडा - फोंडा येथील ल्या अखिल गोवा योगासन स्पर्धेत 16 ते 25 वर्षे कुमार गटात हेडलॅण्ड - सडा येथील दीपविहार उच्च माध्यमिक हायस्कूलच्या अभिनव कुमार पांडे याने सुयश प्राप्त केले. या कामगिरीबद्दल हायस्कूलच्या शिक्षक वर्गातर्फे तसेच सर्व स्तरातून त्याचे कौतुक होत आहे.
अभिनव कुमार पांडे हा हेडलॅण्ड - सडा येथील दीपविहार उच्च माध्यमिक हायस्कूलचा अकरावी विज्ञान शाखेचा विद्यार्थी असून शिक्षणाबरोबर त्याने सूर्यनमस्कार, योगा व इतर क्रीडा प्रकारात पारंगतता दाखवून अनेक बक्षिसांना गवसनी घातली आहे. यात राज्यस्तरीय योगासन, सूर्यनमस्कार स्पर्धेत त्याने भाग घेऊन अनेक बक्षिसे प्राप्त केली आहेत. तसेच राष्ट्रीय पातळीवर पंजाब येथे झालेल्या योगा स्पर्धेत भाग घेऊन आपली चमक दाखविली आहे.
दरम्यान, बेतोडा - फोंडा येथे ॐ नित्य दिव्य योग आश्रमतर्फे आयोजित अखिल गोवा योगासन स्पर्धेत 16 ते 25 वर्षे कुमार गटात अभिनव कुमार पांडे याने प्रथम क्रमांकाचे बक्षीस प्राप्त केले. त्याला ॐ नित्य दिव्य योगाश्रमाचे गुरुवर्य ईश्वर कुबल यांच्या हस्ते ‘योग कुमार 2022’ पुरस्कार देऊन गौरवण्यात आले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
