डिचोली: डिचोलीतील विद्यावर्धक मंडळ संचलित श्री शांतादुर्गा विद्यालयाने दहावीच्या उत्कृष्ट निकालाची परंपरा कायम राखली आहे. यंदा या विद्यालयाचा दहावीचा निकाल शंभर टक्के लागला आहे. बुधवारी आयोजित एका कार्यक्रमात प्रथम आलेल्या पाच विद्यार्थ्यांचा डिचोलीचे आमदार तथा सभापती राजेश पाटणेकर यांच्या उपस्थितीत गौरव करण्यात आला. (Students were felicitated in the presence of Dicholi MLA and Speaker Rajesh Patnekar)
याप्रसंगी विद्यावर्धक मंडळाचे अध्यक्ष विजय सरदेसाई,उपाध्यक्ष सदाशिव वालावलकर, खजिनदार राजेश धोंड, शांतादुर्गा उच्च माध्यमिकचे व्यवस्थापक अरुण साळकर, माध्यमिक विभागाचे व्यवस्थापक राजाराम चणेकर, साधनसुविधा विकास विभागाचे व्यवस्थापक दिनेश मयेकर, क्रीडा अकादमीचे व्यवस्थापक अभिजित तेली, समाजसेवक तथा निवृत्त शिक्षक दीनानाथ तारी, मुख्याध्यापिका श्रद्धा आसकावकर, शिक्षिका यास्मिन शेट्ये आदी मान्यवर उपस्थित होते.
दरम्यान, या सोहळ्यात सोनल महेश कारेकर, मैत्रेयी राकेश बांदेकर, अमेय वैकुंठ कापडी, स्वरा प्रशांत ठक्कर आणि श्रुष्टी सिद्धार्थ चोडणकर या प्रथम आलेल्या पाच विद्यार्थ्यांचा गौरव करण्यात आला.सभापती पाटणेकर यांनी उत्कृष्ट निकालाची परंपरा कायम राखल्याबद्दल विद्यार्थी आणि शिक्षकांचे अभिनंदन केले. कोरोना संकटामुळे गोवा शालांत शिक्षण मंडळाने यंदा दहावीच्या परीक्षा रद्द करून प्रत्येक हायस्कुलमध्ये निकाल समिती स्थापन करून अंतर्गत मूल्यांकनाव्दारे दहावीचा निकाल तयार केला आहे. या हायस्कुलमधून सर्व 263 विद्यार्थी उत्तीर्ण झाले आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
