Pali Waterfall: ट्रेकिंगसाठी आलेला १४ वर्षांचा विद्यार्थी पडून जखमी; पाली धबधब्यावरील दुर्घटना

Pali Waterfall Accident

वाळपई: पाली-सत्तरी येथे विद्यार्थी धबधब्यावर जाताना पडून जखमी होण्याची घटना घडली. वाळपई अग्निशमन दलाशी दुपारी १२.४५ वाजता संपर्क साधला असता, जवानांनी तातडीने घटनास्थळी धाव घेऊन मदतकार्य केले.

उपचारासाठी रुग्णवाहिकेने वाळपई सरकारी आरोग्य केंद्रात दाखल करण्यात आले. रुवीन परेरा (वय वर्षे १४) असे विद्यार्थ्याचे नाव असून त्याच्या एका पायाला दुखापत झाल्याने त्याला नीट चालता येत नव्हते. जवळपास ९० जणांचा ग्रुप पाली धबधब्यावर ट्रेकींगसाठी आला होता.

दलाचे सतीश नाईक, आदम खान, दत्ताराम देसाई, एस. एन. गावस, डी. एस. सावंत यांनी सहकार्य केले. ८ वी व ९ वीचे विद्यार्थी ट्रेकिंगसाठी आले होते. जवानांनी आपल्या खांद्यांवर ट्रेचर्सच्या साहाय्याने विद्यार्थ्याला सुरक्षित आणून नंतर १०८ रुग्ण वाहिकेने वाळपई सरकारी इस्पितळात दाखल केले. व नंतर पुढे उपचारासाठी नेण्यात आले आहे.