अनेकदा नवीन ठिकाणी गेल्यावर फोटो आणि सेल्फी काढण्याच्या अति उत्साहात दुर्घटना घडल्याच्या बातम्या आपण वाचल्या आहेत. अशीच घटना सध्या गोव्यात घडली आहे. केरळमधील एक विद्यार्थी समुद्रात बुडाल्याची धक्कादायक घटना घडली आहे.
आग्वाद - सिकेरी येथे केरळमधील एका अभियांत्रिकी महाविद्यालयाचे विद्यार्थी गोवा दौऱ्यावर आहेत. यावेळी फोटो काढण्याच्या नादात सिकेरी किनारी एक विद्यार्थी पाण्यात बुडाला. यासंदर्भात शोधमोहीम सुरू आहे; पण वादळी वाऱ्यामुळे समुद्रात लाटा अधिक उसळल्यामुळे या शोधमोहीमेत अडथळा येत आहे.
दरम्यान, मॉन्सूनच्या आगमनाबाबत देशभर तर्कवितर्क सुरू होते, हवामान विषयक माहिती देणाऱ्या खासगी संस्थांनी भारतीय हवामान खात्याच्या मॉन्सूनच्या आगमनविषयी आक्षेप नोंदवला होता. मात्र, गेल्या दहा दिवसांपासून ज्या मॉन्सूनची प्रतीक्षा होती,तो अखेर आज राज्यात दाखल झाला आहे.,अशी माहिती अधिकृतरित्या गोवा वेधशाळेने दिली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
