Goa Accident : शाळेच्या बसखाली चिरडून अवेडे केपे येथे विद्यार्थ्याचा मृत्यू

Goa Accident : अवेडे कोठंबी येथे बालरथ (स्कूलबस) आणि दुचाकीमध्ये झालेल्या अपघातात चांदर येथील जेसवर्ड मार्टिन्स या 18 वर्षीय विद्यार्थ्याचा मृत्यू झाला. केपे पोलिसांनी दिलेल्या माहितीनुसार आज बुधवारी सकाळी 7.30 वाजता अवेडे येथील इमाक्यूलेट कन्सेपशन शाळेचा बालरथ विद्यार्थ्यांना आणण्यासाठी जात असताना हा अपघात झाला.

शाळेची बस विद्यार्थ्यांना बस अवेडे किठंबी येथील धोकादायक वळणावर पोहचली असता समोरून दुचाकीने येणाऱ्या जेसवर्ड याला समोरून जोरदार धडक बसली. या अपघातात तो गंभीर जखमी झाला. त्याला उपचारासाठी हॉस्पिटलमध्ये नेत असताना त्याचा वाटेतच मृत्यू झाला. केपे पोलिसांनी अपघाताचा पंचनामा केला असून पुढील तपास सुरू आहे.

व्यायाम करण्यासाठी शेल्डे येथे जाताना अपघात

जेसवर्ड मार्टिन्स हा युवक सकाळी व्यायाम करण्यासाठी शेल्डे येथे जिमला जात असताना त्याला अपघात घडला. जेसवर्ड याचा वडील विदेशात कामाला असल्याची माहिती मिळाली आहे. त्याच्या जाण्याने त्यांच्या चांदर येथील गावावर शोकाकळा पसरली आहे.