Goa University: गोवा विद्यापीठ प्राध्यापक धमकी प्रकरण; विद्यार्थ्याने पोलिस स्थानकात मागितली 'माफी'

Goa University Professor Threatened: विद्यापीठातील काही विदयार्थ्यानी गुंडागिरी करीत गोवा विद्यापीठातील प्राध्यापक तथा विद्यार्थी निवडणूक समितीचे अध्यक्षांना व त्यांच्या सहकाऱ्यांना धमकी दिल्याचा प्रकार समोर आला होता.

दरम्यान या प्रकरणातील धमकी देणारा संशयित विद्यार्थी शिशीर परब याने पोलिस स्थानकात शिक्षक संघटनेचे अध्यक्ष व संबंधित प्राध्यापकाच्या उपस्थितीत माफी मागितली आहे.

शिरीष परब आणि त्‍याच्‍या साथीदारांनी प्राध्यापक तथा विद्यार्थी निवडणूक समितीचे अध्यक्षांना व त्यांच्या सहकाऱ्यांना धमकी दिली होती.

या घटनेचा विद्यापीठातील शिक्षकांनी सोमवारी विद्यापीठ परिसरात एकत्र येत शिक्षक संघटनेच्यावतीने निषेध नोंदवला तसेच निवडणूकीवर बहिष्कार टाकण्याचा एल्गारही केला.

शिरीष परब आणि त्याच्या दोन साथीदारांवर विद्यार्थी संघटनांच्या निवडणुकीत अडथळा आणल्याबद्दल आणि धमकावल्याप्रकरणी कारवाई करावी, अशी मागणी गोवा युनिव्हर्सिटी टीचर्स असोसिएशनने आज केली होती.

दरम्यान, धमकी देणारा विद्यार्थी शिशीर परब याने पोलिस स्थानकात शिक्षक संघटनेचे अध्यक्ष व संबंधित प्राध्यापकाच्या उपस्थितीत माफी मागितली आहे.