गोवा मराठी अकादमीतर्फे स्त्रीसंगम 'वंदे मातरम' संमेलन

पणजी: गोवा मराठी अकादमीतर्फे 27 रोजी येथील इन्स्टिट्यूट मिनेझिस ब्रागांझा सभागृहात सकाळी 9 ते संध्याकाळी 5 पर्यंत स्त्रीसंगम वंदेमातरम हे महिला मराठी संमेलन होणार आहे. ललित लेखिका रश्मी कशेळकर यांच्या हस्ते संमेलनाचे उद्‍घाटन होईल. उद्‍घाटन सत्राला अकादमीचे अध्यक्ष प्राचार्य अनिल सामंत, पौर्णिमा केरकर, मंदार नाईक उपस्थिती राहतील. दुसऱ्या सत्रात वेगळ्या वाटा या विषयावर परिसंवाद होईल. यात सुमंत सामंत (समाज-शिक्षण) व रश्मी कशेळकर (साहित्य) यांचा सहभाग असेल.

गीता गवस त्यांच्याशी संवाद साधतील. तिसऱ्या सत्रात दुपारी 12.15 वा.मीना समुद्र यांच्या अध्यक्षतेखाली कवि संमेलन होईल. यांत अंजली आमोणकर, स्वप्ना धुपकर, डॉ. नीता तोरणे, केतकी साळकर, डॉ. सुनेत्रा कळंगुटकर, शांभवी देशपांडे, श्रध्दा गवंडी, अंतरा भिडे, गौरी कुलकर्णी, दीपा मिरिंगकर, अंजली चितळे, रजनी रायकर, शर्मिला प्रभू, पौर्णिमा देसाई, तृप्ती बांदेकर, आसावरी कुलकर्णी, विद्या घैसास, सरोजिनी गावकर, कालिका बापट, डॉ. आरती दिनकर व चित्रा क्षीरसागर यांचा सहभाग असेल. दुपारच्या सत्रात 2.30 वा. स्मरूनी गोमंतदेवी हा गीत-संगीत-काव्य-नृत्य- नाट्य-पोवाडे असा विविधरंगी आविष्कार असलेला सांस्कृतिक कार्यक्रम होईल.