Stray Cattles: भटक्या गुरांमुळे आगोंदवासीय त्रस्त! वाहनचालकांची होतेय पंचाईत; ग्रामस्थांची कारवाईची मागणी

आगोंद: आगोंद पंचायत क्षेत्रात भटक्या गुरांमुळे नागरिक त्रस्त बनले आहे. या गुरांवर कारवाई करावी, अशी मागणी येथील ज्येष्ठ नागरिक तथा माजी निवृत्त पोलिस अधिकारी गणपत नाईक देसाई यांनी केली आहे.

मुख्य रस्ता व अंतर्गत रस्त्यावर ठिकठिकाणी भटकी गुरे ठाण मांडून असतात. याचा वाहनचालक व अन्य नागरिकांना त्रास होतो. या गुरांवर कारवाई करायची कोणी? पंचायत या प्रकरणी काही कारवाई करू शकत नाही असे पंचायत मंडळाकडून सांगण्यात येत आहे. पंचायतीतर्फे जनावरांना राखणे, पालन पोषण करणे‌ कठीण असल्याचे सचिव अमोल नाईक गावकर यांनी सांगितले.

हळदोणा

हळदोणा पंचायत मंडळाने भटक्या गुरांची समस्या सोडवण्याच्या उद्देशाने संबंधित मालकांवर कठोर कारवाई आणि दंड लागू करण्याचा निर्ण़य घेतला आहे. सरपंच आश्विन डिसोझा यांनी सांगितले की, भटक्या गुरांच्या मालकांना संबंधित कायद्याच्या तरतुदीनुसार दंड ठोठावला जाईल. तसेच तरीही आपली गुरे सार्वजनिक ठिकाणी सोडणाऱ्या लोकांवर कठोर कारवाई करण्यासह गुरे जप्त केली जाईल.