सभागृहात सभापतींचा सर्व सदस्यांनी उचित मान राखावा तसेच त्यांना अरे - तुरे असे एकेरी उद्देशून बोलू नये आणि शिस्तीचे पालन करावे, असे आवाहन मुख्यमंत्री डॉ. प्रमोद सावंत यांनी केले. सभापतींवर पुस्तक भिरकावणे देखील योग्य नसल्याचे सावंत म्हणाले यानंतर आक्रमक झालेल्या विरोधी पक्षनेते युरी आलेमाव यांनी मुख्यमंत्र्यांनी देखील डोळे मारण्याचे (सभापतींना) बंद करावे, असे मत मांडले.
शून्य प्रहाराच्या अखेरीस मुख्यमंत्री सावंत यांनी सभागृहाला संबोधित करुन एक आवाहन केले. गेल्या आठवड्यात घडलेल्या घटनेचा संदर्भ देत सभापतींवर पुस्तक भिरकावणे योग्य नसल्याचे सावंत म्हणाले. सभापतींच्या खूर्चीचा उचित मान सर्वांनी राखायला हवा, त्यांना अरे - तुरे असे एकेरी संबोधित करु नये, सदस्यांनी वैयक्तिक आरोप करु नयेत. सभागृहात चर्चा करत असताना सभागृहाच्या नियमांचे पालन करावे, असे आवाहन मुख्यमंत्री सावंत यांनी केले.
यावेळी विरोधी पक्षनेते युरी आलेमाव यांनी देखील मुख्यमंत्री प्रमोद सावंत यांनी डोळे मारण्याचे (सभापतींना) बंद करावे असे मत मांडले. यावेळी सभापतींनी देखील कोणाला डोळे मारतात? असा प्रतिप्रश्न केला. मुख्यमंत्री कोणाला डोळे मारतात हे सर्वांना माहितीये, असे आलेमाव पुढे म्हणाले. मुख्यमंत्र्यांनी हातवारे करण्याची सवय देखील बंद करावे, असे आलेमाव म्हणाले.
सभागृहातील शिस्तीच्या मुद्यावर भाष्य करताना सभापतींनी युरींनी मागील आठवड्यात केलेली कृती अयोग्य असल्याचे मत मांडले. युरींची कृती लोकशाहीला धरुन नसल्याचे सांगताना त्यांनी हे मान्य करावे असेही सभापती म्हणाले. यावेळी मंत्री सुदीन ढवळीकरांनी देखील मत मांडत युरी आलेमाव यांचे काका आणि वडील देखील या सभागृहात होते पण त्यांनी कधीही अशाप्रकारचे कृत्य केले नसल्याचे ते म्हणाले.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.