पणजी:गोव्यातून दारूची तस्करी होते. ती दारू महाराष्ट्रात पकडली जाते. यामुळे गोव्याच्या सीमेवरील अबकारी खाते काय करते असा प्रश्न निर्माण होतो असे मांद्रेचे आमदार दयानंद सोपटे यांनी आज विधानसभेत म्हण्टले आहे.
अर्थसंकल्पीय मागण्यांवरील चर्चेत सहभागी होताना दयानंद सोपटे , अबकारी खाते काम करते त्यात सुधारणा होण्याची गरज आहे. सीमा पार केल्या जाणाऱ्या दारूच्या प्रमाणात घट झाली असली तरी त्यात आणखीन घट होणे अपेक्षित आहे. अबकरी खात्याने सीमेवर काम केले तर सरकारच्या महसुलात वाढ होऊ शकते.तसेच वीज व इतर गोष्टी मोफत देण्याची कोणी घोषणा केली तरी त्यांची डाळ गोव्यात शिजणार नाही. काहीजण सत्तेत असताना त्यांना काही मोफत देणे जमले नाही ते आता मोफत देण्याच्या गोष्टी करत आहेत असे म्हणत आम आदमी पक्षावरही त्यांनी जोरदार टीका केली आहे.
दरम्यान आज झालेल्या पहिल्याच दिवशीच्या विधानसभा अधिवेशनात जोरदार धुमश्चक्री पाहायला मिळाली विरोधी आमदार विधानसभेत नाटके करण्यासाठी येतात या विधानसभा कामकाज मंत्री माविन गुदिन्हो यांच्या विधानावरून विरोधी आमदार आक्रमक झाले. त्यांनी सभापतींसमोरील हौद्यात धाव घेतली. यामुळे सभापतींना विधानसभेच्या कामकाजाची वेळ वाढवलेली असतानाही कामकाज तहकूब झाले होते.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
