बंदी हटवली! 'दूधसागर'सह गोव्यातील 24 धबधबे पर्यटकांसाठी खुले; जाणून घ्या संपूर्ण यादी

पणजी: राज्यातील वन खात्याच्या पाहणीत कमी धोक्याचे म्हणून नोंद झालेले २४ धबधबे जनतेसाठी खुले केले जाणार आहेत. वनक्षेत्रात हे धबधबे आहेत. तेथे जाण्यास व धबधब्यांच्या पाण्यात उतरण्यास वन खात्याने बंदी घातली होती. ती आता उठवण्याचा निर्णय घेतला आहे.

यात पुढील धबधब्यांचा समावेश आहे. म्हादई अभयारण्य- पाली, हिवरे, चरावणे, गवंडाळी, गुंदुले, चिदंबरम, नानेली, उसकईची खडी, कुमठाळ, माडियानी, खडी गुळेली, वात्राची राई.

भगवान महावीर अभयारण्य व राष्ट्रीय उद्यान मैदा कुळे, दूधसागर, ताळदे, महामार्ग महावीर फाटक, महामार्ग विव पॉईंट, बामणगुडो, दूधसागर मंदिराजवळ, पिकळेवाडी व तांबडी सुर्ल. नेत्रावळी अभयारण्य - सावरी, भाटी. खोतीगाव अभयारण्य - कुस्के. म्हादई अभयारण्यातील बांधावयलो वझर या ठिकाणी जाण्यास घातलेली बंदी कायम ठेवण्यात आली आहे.