St. Xavier Novena: गोंयच्या सायबाचा नोव्हेना होणार सुरु! जुन्या गोव्यात भाविकांची मांदियाळी; वाचा सविस्तर माहिती

Novena and Feast of St. Francis Xavier 2025: सेंट फ्रान्सिस झेवियर यांच्या नोव्हेना आणि फेस्तला जुन्या गोव्यातील बॅसिलिका ऑफ बॉम जीझस येथे रविवार (२३ नोव्हेंबर २०२५) पासून सुरुवात होणार आहे. दरवर्षीच नोव्हेना आणि फेस्तच्या निमित्ताने देश-विदेशातील भाविक मोठ्या संख्येने गोव्यात दाखल होतात, त्यामुळे आता देखील जुन्या गोव्यात भक्तिमय आणि उत्साहाचे वातावरण निर्माण झाले आहे.

नोव्हेना आणि फेस्तच्या दिवसांसाठी मासच्या वेळा खालीलप्रमाणे निश्चित करण्यात आल्या आहेत:

• दिवस: नोव्हेना (२४ नोव्हेंबर ते २ डिसेंबर)

• वेळ (सकाळ): ६:००, ७:१५, ८:१५, ९:३०, ११:०० वाजता

• वेळ (दुपार/संध्याकाळ): ३:३०, ५:००, ६:१५ वाजता

• भाषा: ६:१५ वाजता इंग्रजीमध्ये. इतर मास कोकणीत

फेस्तचा दिवस

३ डिसेंबर २०२५ रोजी फेस्तचा दिवस (Feast Day) मोठ्या उत्साहात साजरा होईल. फेस्तच्या दिवशी मासची सुरुवात पहाटे ३:४५ वाजता होईल आणि त्यानंतर ५:००, ६:००, ७:१५ आणि ८:३० वाजता मास पार पडतील.

फेस्तच्या दिवशी महत्त्वाचा सोहळा असलेला 'सोलेमन फेस्त हाय मास' सकाळी १०:३० वाजता आयोजित करण्यात आला आहे. दुपारनंतर मास १२:१५, ३:३०, ५:०० आणि ६:१५ वाजता (इंग्रजी) होतील. सर्व मास कोकणी भाषेत होतील.