Govind Gaude : अवधूत कुडतरकर यांना सर्वतोपरी मदत करणार

Govind Gaude : मोरजी, गोमंतकीय ज्येष्ठ साहित्यिक तथा उगवे गावचे रहिवासी अवधूत यशवंत कुडतरकर हे सध्या हलाखीचे जीवन जगत असल्याचे वृत्त प्रसिद्ध झाल्यानंतर सरकारने त्या वृत्ताची दखल घेत कुडतरकर यांना सर्वतोपरी मदत करण्याचे जाहीर केले.

कला आणि सांस्कृतिक खात्याअंतर्गत कृतज्ञता निधी उपलब्ध करून देण्यासाठी मंत्री गोविंद गावडे यांच्या सूचनेनुसार खात्याचे संचालक सगुण वेळीप यांच्या मार्गदर्शनाखाली प्रशांत गडेकर व राजेश रमेश महाले यांनी उगवे येथे कुडतरकर यांच्या निवासस्थानी भेट दिली. घेतली.

यासंदर्भात मंत्री गोविंद गावडे यांनी सांगितले की, कोणत्याही कलाकाराला किंवा साहित्यिकाला त्यांचे जीवन सन्मानाने जगण्यासाठी सरकार वचनबद्ध आहे. कुडचडकर यांना सरकारकडून योग्य ती मदत उपलब्ध करून दिली जाणार आहे. मुख्यमंत्री प्रमोद सावंत यांनीही मुख्यमंत्री निधीतून मदत करण्याचे यापूर्वी जाहीर केले आहे.

मदतीसाठी अनेक हात

ज्येष्ठ साहित्यिक अवधूत कुडतरकर हे आपल्या वयोवृद्ध पत्नीसोबत मोडकळीस आलेल्या घरामध्ये राहत आहेत. त्यांची स्थिती हलाखीची आहे.

कुणी तरी नातेवाईक कधी तरी त्यांना आर्थिक मदत करतो, कडधान्य देतो. यासंदर्भात वृत्त प्रसिद्ध झाल्यानंतर सरकार तसेच सेवाभावी संस्था, राजकीय नेते, उद्योगपतींनी कुडतरकर यांना मदत करण्यासाठी हात पुढे केले आहेत.