Spices 29 Goan Indian Restaurant: गोमंतकीय व्यक्तींनी जगभरात आपल्या यशाचा झेंडा रोवला आहे. राज्यातील अनेक घरांतील पिढ्या सध्या परदेशांमध्ये सेटल झालेल्या आहेत.
विविध देशांमध्ये ते प्रगती करत आहेत, आणि त्या त्या देशांच्या प्रगतीतही हातभार लावत आहे. दरम्यान, काही काळापुर्वीच ऑस्ट्रेलियातील एका गोवन भारतीय रेस्टॉरंटने तिथे एक पुरस्कार जिंकला आहे.
Spices 29 Goan Indian Restaurant असे या रेस्टॉरंटचे नाव आहे. नेल्सन फर्नांडिस, सेल्मा रोचा या हे रेस्टॉरंट चालवतात. या रेस्टॉरंटने बेस्ट इंडियन रेस्टॉरंट इन रिजनल न्यू साऊथ वेल्स कॅटेगरी हा पुरस्कार जिंकला.
न्यू साऊथ वेल्स रेस्टॉरंट अँड केटरिंग होस्टप्लस अॅवॉर्ड्स फॉर एक्सलन्सद्वारे हा पुरस्कार दिला जातो.
सेल्मा रोचा म्हणाल्या, ग्राहकांचा पाठिंबा, टीम वर्कमुळे व्यवसायासाठी चांगला दिवस आला आहे.
बिझनेस डायरेक्टर नेल्सन फर्नांडिस म्हणतात, गेल्या 5 वर्षांच्या व्यवसायात कर्मचाऱ्यांनी दाखवलेला उत्साह आणि समर्पण हे विजयासाठी सर्वात मोठे कारण ठरले आहेत. बीचेस हे सुंदर, संरक्षक आणि अमर्याद संधींचे ठिकाण असते.
मी 20 वर्षांहून अधिक काळ हॉस्पिटॅलिटी उद्योगात काम करते. ग्राहकांना स्वादिष्ट भोजन आणि उबदार सेवा देऊ शकलो, याचा मला नेहमीच आनंद वाटतो, असे नेल्सन यांनी सांगितले.
सेल्मा रोचा, रेस्टॉरंट मॅनेजर शिवांगी, मुख्य आचारी प्रवीण कुमार यांनी या यशानंतर आनंद व्यक्त केला. आम्ही नेहमीच सर्वोत्तम अन्न आणि सेवा देण्याचा प्रयत्न केला. आमच्या वर्षानुवर्षे केलेल्या मेहनतीचे हे गोड फळ आहे.
हा विजय म्हणजे एक आव्हान आहे. राष्ट्रीय पातळीवरील पुरस्कारासाठी तयारी केली जात आहे, असे त्यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
