बोळकर्णे ते कारेमळ व बोळकर्णे ते सातपाल - साकोर्डा तिठापर्यंत रस्त्याचे रुंदीकरण करुन हॉटमिक्स डांबरीकरण काम गतीने सुरू आहे.बोळकर्णे ते सातपाल रस्त्याचे रुंदीकरण ,तसेच पुलाच्या दोन्ही बाजूंनी संरक्षक भिंतीचे बांधकाम सुर्ला येथे जोरात चालू आहे.
नेचर नेस्ट येथील पुलाच्या संरक्षक भिंतीच्या बांधकामाला सुरुवात व्हायची आहे. गेल्या वर्षी सदर रस्त्याच्या रुंदीकरणाच्या कामाला सुरुवात करून काही ठिकाणी रुंदीकरणाचे काम पूर्ण केले होते.
गेल्या वर्षी 7 जाने. 22 रोजी कामाचे उद्‍घाटन माजी बांधकाममंत्री दीपक पाऊसकर यांच्या हस्ते करण्यात आले होते.कामगार संख्या कमी असल्याने येत्या मे महिन्यात रस्त्याचे डांबरीकरण पूर्ण होणार असल्याचे संकेत मिळाले आहेत.
त्यावेळी बोळकर्णे ते कारेमळ रस्त्याचे हॉटमिक्स डांबरीकरण पूर्ण झाले होते, मात्र या वर्षी पुलाच्या संरक्षक कठड्याचे नूतनीकरण काम पूर्ण केले होते. गरजेच्या ठिकाणी संरक्षक भिंतीचे बांधकाम करून रस्त्याचे रुंदीकरण करण्यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.