साखळी : वाळवंटी नदीला साखळी बाजारातून जोडणाऱ्या नाल्याच्या साफसफाईचे काम जलस्रोत खात्यातर्फे खास यंत्राद्वारे सुरू करण्यात आले आहे. नगराध्यक्षपदाचा ताबा घेताच रश्मी देसाई यांनी जलस्रोत खात्याला लागलीच पत्र लिहिले होते. त्याची दखल घेत खात्यातर्फे या नाल्याच्या साफसफाईला प्रारंभ करण्यात आला. पालिका निवडणकीमुळे रखडलेल्या मॉन्सूनपूर्व कामांना गती मिळाली आहे.
यावेळी उपनगराध्यक्ष आनंद काणेकर, जलस्रोत अभियंता विनोद भंडारी, कंत्राटदार तानाजीराव देसाई, बाजार निरीक्षक बसप्पा आदींची उपस्थिती होती.
साखळी बाजारातील याच नाल्यातून संपूर्ण साखळी बाजार व इतर परिसरातील पाणी वाळवंटी नदीत जात असते. याच नाल्यातून नदीचे पाणी बाजारात येण्याची शक्यता असते. त्यासाठी नदीचे पाणी वाढल्यानंतर याच नाल्याच्या नदीला जोडणाऱ्या मुखावर गेटस् घालून पाणी रोखले जाते.
व नाल्यात साचणारे पाणी पंपींगद्वारे नदीत सोडले जाते. या पूरप्रतिबंधक योजनेअंतर्गत हा नाला सर्वात महत्वाची कामगिरी बजावतो. त्यासाठी तो पावसाळा सुरू होण्यापूर्वी साफ करणे आवश्यक असते.
मॉन्सूनपूर्व कामांना वेग
नगरपालिका निवडणुकांमुळे सर्व प्रभागांमधील मॉन्सूनपूर्व कामांकडे लक्ष देणे, साकळी पालिकेला शक्य झाले नव्हते. निवडणूक झाल्यानंतर लगेच नगराध्यक्षा देसाई यांनी कामांचा आढावा घेऊन मॉन्सूनपूर्व कामांना वेग दिला आहे. पावसाळ्यात कुठेही पाणी साचून लोकांना त्रास होणार नाही. याची खबरदारी साखळी नगरपालिका घेणार आहे, असे नगराध्यक्षा रश्मी देसाई यांनी सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
