वेर्णा औद्योगिक वसाहतीत झालेल्या अपघातात बसने चिरडल्याने चार कामगारांचा मृत्यू झाला असून, पाचजण गंभीर जखमी झाले आहेत. शनिवारी (दि. २६ मे) रात्री अकरा वाजता हा अपघात झाला.
चालकाचे नियंत्रण सुटल्याने बस रस्त्या शेजारील झोपड्यावर चढली आणि झोपेत असलेल्या चार निष्पाप कामगारांचा मृत्यू झाला.
मिळालेल्या माहितीनुसार, रोझ बर्गर या कंपनीतील कामागारांना घरी सोडण्यासाठी एक खासगी बस निघाली होती. चालकाचे बसवरील नियंत्रण सुटल्याने बस रस्त्या शेजारीवर शेडवर गेली.
यात तीन शेड जमीनदोस्त झाली व यातील नऊ कामगार गंभीर जखमी झाले. यापैकी चार जणांचा मृत्यू झाला असून. पाचजण गंभीर जखमी झाले आहेत.
अपघातानंतर पोलिस घटनास्थळी दाखल होऊन पंचनामा करण्यात आला. जखमींना उपचारासाठी दक्षिण गोवा जिल्हा रुग्णालयात दाखल करण्यात आले आहे.
समोर आलेल्या माहितीनुसार, मृत आणि जखमी कामगार मूळ बिहारचे असून, महामार्गावरील विविध बांधकामासाठी काम करतात. अपघातात चालक आणि बसमधील कंपनीचे काही कर्मचारी देखील जखमी झालेत.
दरम्यान, बस चालक मद्यधुंद अवस्थेत वाहन चालवत होता, असा दावा स्थानिकांनी केला आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.