पेडणे तालुक्यात राजकीय समीकरणांना वेग; गोवा फॉरवर्डला बसणार फटका

Morjim: विधानसभेच्या निवडणुकांना अजूनसहा महिन्यांचा काळ असला तरीही राजकीय पक्षाने आतापासूनच निवडणुकीची तयारी सुरु केली आहे . गोवा फॉरवर्ड विजय ऑपरेशन 2 चे मांद्रे दीपक कलंगुटकर व पेडणे राखीव मतदार संघातून वकील जितेंद्र गावकर या स्थानिक युवकाला पक्षाचे सर्वेसर्वा विजय सरदेसाई यांनी उमेदवारी जाहीर केली होती.

मात्र त्यातील पेडणे मतदार संघातील गोवा फॉरवर्डचे उमेदवार जितेंद्र गावकर हे कॉंग्रेस पक्षात दोन दिवसात प्रवेश करीत असल्याने गोवा फॉरवर्डला पेडणे तून मोठा धक्का बसणार आहे. आणि दुसर्‍या बाजूने कॉंग्रेसचे गोवा प्रदेश अध्यक्ष गिरीश चोडणकर यांनी हल्लीच कार्यकर्त्यांना पेडणेतून स्थानिक उमेदवाराला विजयी करा असे आवाहन केले होते, आणि त्याच पाश्वभूमीवर गावकर हे कॉंग्रेस प्रवेश करत असल्याने विठू मोरजकर यांना उमेदवारीपासून अडचणी निर्माण होणार आहेत.

15 रोजी प्रवेश

वकील जितेंद्र गावकर यांचा कॉंग्रेस प्रवेश शुक्रवार दिनांक 15 रोजी सायंकाळी 5 वाजता पेडणे येथे होणार आहे. या प्रवेशाला विरोधी पक्षनेते दिगंबर कामत, गोवा प्रदेश अध्यक्ष गिरीश चोडणकर उपस्थित राहणार आहे. अशी माहिती पेडणे गट कॉंग्रेस अध्यक्ष रुद्रेश देशप्रभू यांनी दिली. जितेंद्र गावकर यांच्याकडे संपर्क साधला असता लोकांचा आग्रह होता की मी काँग्रेस पक्षात जावे म्हणून,त्यांच्या अग्रहासाठी पक्षात जात असल्याचे त्यांनी सांगितले