मडगाव : गोव्यातून वालांकिणीच्या दर्शनाला जाणाऱ्या भाविकांसाठी खुशखबर आहे. तमिळनाडू येथे असलेल्या अवर लेडी ऑफ वालांकिणी सायबीणीच्या भेटीसाठी गोव्यातील भक्तांना दक्षिण - पश्चिम रेल्वे तर्फे रेल्वे प्रवासाची सोय करण्यात आली असल्याची माहिती देण्यात आली आहे. कोव्हिड महामारीच्या काळात ही रेल्वे प्रवाशांसाठी बंद ठेवण्यात आली होती. ती आता पूर्ववत सुरु करण्यात आली आहे. (Special Train to Velankanni from Goa News Updates)
या विशेष ट्रेनची (Train) सुरुवात सोमवार 7 मार्चपासून होणार असून ट्रेन क्रमांक 17315 वास्को रेल्वे स्टेशन वरुन सकाळी 9 वाजता सुटणार आहे. आणि यानंतर मडगाव, (Madgaon) लोंढा, हुबळी, बन्सवाडी, कारुर, तिरुवरूर, नागपटनम यासह 24 रेल्वे स्थानकावर थांबा घेणार आहे. दुसऱ्या दिवशी दुपारी 12.25 वाजता वालांकिणी या ठिकाणी पोचणार आहे.
ट्रेन क्रमांक 17316 ही वालांकिणी रेल्वे (Railway) स्थानकावरुन दर गुरुवारी रात्री 11 वाजून 45 मिनिटाला सुटणार असून दुसऱ्या दिवशी दुपारी 3.25 वाजता वास्को येथील रेल्वे स्थानकावर या ट्रेनचे आगमन होणार आहे. याची सुरुवात 8 मार्च पासून होणार आहे. या ट्रेनला 2 टीयर एसीचा 1 डबा, 3 टीयर एसीचे 4 डबे, स्लिपरचे 7 डबे यासोबत इतर मिळून एकंदरीत 18 डबे जोडण्यात येणार आहेत.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
