सभापती रमेश तवडकर यांचा आगोंद येथे सत्कार

आगोंद: देश सर्वोपरी असून या देशाला परम वैभवावर नेण्याकरता भाजप कार्यकर्त्यांनी झटले पाहिजे. ध्येयापासून कधीही विचलित होऊ नका. समाजातील सर्व घटकांना बरोबर घेऊनच आपण हे कार्य करू शकतो. विधानसभा निवडणुकीत सर्व कार्यकर्त्यांनी झोकून देऊन कार्य केल्यामुळेच अपेक्षित यश प्राप्त झाले, असे मत सभापती रमेश तवडकर यांनी व्यक्त केले.

आगोंद पंचायत क्षेत्रातील भाजप कार्यकर्त्यांतर्फे तवडकर यांची सभापतीपदी निवड झाल्याबद्दल 6 रोजी ज्येष्ठ नागरिक तथा सेवानिवृत्त अधिकारी सदानंद ऊर्फ विनोद देसाई यांच्या हस्ते, पुष्पहार शाल, श्रीफळ व स्मृतिचिन्ह देऊन सत्कार करण्यात आला.

यावेळी सभापती तवडकर बोलत होते. यावेळी व्यासपीठावर त्यांच्यासह सदानंद ऊर्फ विनोद देसाई, मंडळाचे अध्यक्ष विशाल देसाई, उपाध्यक्ष शाबा ना. गावकर, लक्ष्या उर्फ अण्णा शेट आदी उपस्थित होते. सूत्रसंचालन नितीन देसाई यांनी केले, आणि शेवटी उपस्थित मान्यवरांचे आभार व्यक्त केले. यावेळी गौरव भगत, नारायण देसाई, किरण नाईक गावकर, ॲन्थनी बोर्जीस, संजू नाईक देसाई, काशिनाथ फळदेसाई, मोतीलाल पागी, धनंजय पागी, महेश नाईक गावकर, नेताजी गावकर, उल्हास पागी, राजेश पागी व अन्य प्रमुख कार्यकर्ते उपस्थित होते.