मडगाव: काणकोण तालुक्यातील शेळी-लोळये येथे अपघातात मृत्युमुखी पडलेल्या व्हॅलेंटाईन बार्रेटो (३३) यांच्या आईला ३६,८४,७०० रुपये नुकसानभरपाई देण्याचा आदेश दक्षिण गोवा मोटार अपघात दावा न्यायाधिकरणाने दिला आहे.
दक्षिण गोवा मोटार अपघात दावा न्यायाधिकरणाचे सदस्य राम प्रभूदेसाई यांच्या न्यायालयात या प्रकरणाची सुनावणी झाली. नुकसानभरपाईची रक्कम अर्ज दाखल केल्याच्या दिनांकापासून ६.८० टक्के वार्षिक व्याजासह देण्याचा आदेश न्यायाधिकरणाने प्रतिवादींना दिला आहे. अँथनी फर्नांडिस (२२) हा पोळे येथील युवक दुचाकीवरून जात होता.
व्हॅलेंटाईन बार्रेटो हा त्याच्या दुचाकीवर मागे बसला होता. समोरून येणाऱ्या ट्रकला ओव्हरटेक करण्याचा प्रयत्न करताना अँथनीचे दुचाकीवरील नियंत्रण सुटले. दुचाकी रस्त्याशेजारील दगडावर आदळून दोघेही बाजूच्या झाडीत पडले. या अपघातात गंभीर दुखापत झाल्याने व्हॅलेंटाईन यांचा मृत्यू झाला. या प्रकरणात तपास अधिकारी हवालदार दीपक गावकर यांनी दिलेल्या साक्षीनुसार, दुचाकी चालकाचा निष्काळजीपणा आणि चुकीच्या बाजूने वाहन चालवणे हे अपघातास कारणीभूत ठरले.
संयुक्तपणे ही रक्कम भरा
सर्वोच्च न्यायालयाच्या एका निकालाचा दाखला देत न्यायाधिकरणाने स्पष्ट केले की, मोटार अपघात दाव्यांमध्ये फौजदारी खटल्याप्रमाणे पुरावे सिद्ध करण्याची आवश्यकता नसते. मयत व्हॅलेंटाईन हे काणकोण येथील नॉर्बर्ट फिटनेस स्टुडिओमध्ये फिटनेस ट्रेनर म्हणून दरमहा २५ हजार रुपये वेतनावर कार्यरत होते. न्यायाधिकरणाने त्यांच्या मासिक उत्पन्नाचा विचार करून एकूण ३६,८४,७०० रुपयांची नुकसानभरपाई निश्चित केली.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
