पणजी: दक्षिण गोव्यातील एका १७ वर्षीय अल्पवयीन मुलीवर लैंगिक अत्याचार केल्याप्रकरणी आरोपी सेफ्टीन रझा कासांबी याला विशेष जलदगती न्यायालयाने (पोक्सो) दहा वर्षांचा सश्रम कारावास व एक लाखांचा दंड अशी शिक्षा ठोठावली. आरोपीने केलेला गुन्हा सादर करण्यात आलेल्या पुराव्यान्वये सिद्ध होत असल्याचे निरीक्षण न्यायालयाने निवाड्यात केले आहे.
मुलीचे अपहरण करून तिच्यावर लैंगिक अत्याचार केल्याची तक्रार मुलीच्या आईने मडगाव पोलिस स्थाकात २०१७ साली दिली होती. तत्कालीन पोलिस उपनिरीक्षक व सध्याचे फातोर्डा पोलिस निरीक्षक नॅथन आल्मेदा यांनी याप्रकरणी संशयिताला अटक केली होती व न्यायालयात आरोपपत्र दाखल केले होते. न्यायालयाने त्याला पोक्सो कायद्याच्या कलम ४ खाली शिक्षा ठोठावली आहे.
पीडित मुलगी व संशयित या दोघांचे प्रेम होते. मुलगी संशयितासोबत घरातून पळून गेली होती. दोघे सुरवातीला कारवारला गेले व एक दिवस राहिले. त्यानंतर ते गोव्यात परतून मडगाव येथील एका हॉटेलात राहिले होते. त्याची माहिती पोलिसांना मिळाल्यावर मडगाव रेल्वेस्थानकावर त्या दोघांना ताब्यात घेण्यात आले.
त्या दोघांची वैद्यकीय तपासणी करून मुलीची रवानगी‘अपना घर’मध्ये करण्यात आली होती. वैद्यकीय अहवालानुसार संशयिताने मुलीवर लैंगिक अत्याचार केल्याचे सिद्ध झाले होते. त्यामुळे पोलिसांनी संशयिताविरोधात अपहरण व लैंगिक अत्याचाराचा गुन्हा नोंदवून तपास केला होता. साक्षीदारांच्या जबान्या नोंदवून न्यायालयात आरोपपत्र दाखल केले होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
