Solapur Hit and Run - सोलापूर येथे ‘हिट अँड रन’मध्ये गोव्यातील महिलेने गमावला जीव

Solapur Accident:

अस्नोड्यामधून पायी वारीतून पंढपूरला गेलेल्या रेवोडा येथील गौरी कुडतरकर यांचा सोलापूर मार्गावर अपघातात मृत्यू झाला. पाय दुखू लागल्याने विश्रांतीसाठी बसलेल्या वाहनावरच पाठीमागून कारने धडक दिली. यात गौरी यांचा मृत्यू झाला, तर सुरेखा आणि साबाजी हे जखमी झाले. चालक अर्शिद पारिड्डा याला अटक केली आहे. अपघाताची बातमी समजताच कुटुंबीयांनी अपघातस्थळी धाव घेतली. गौरी कुडतरकर या आषाढी एकादशीनिमित्त अस्नोडा ते पंढरपूर पायी वारीसाठी निघाल्या होत्या. कुडतरकर या विठ्ठलाच्या भक्त असून, घरी हरिपाठ उपासना करायच्या. यंदाचे हे वारीचे दुसरे वर्ष होते. सामाजिक कार्यात त्या सक्रिय असायच्या. पतीचे निधन झाले असून, त्यांना एक मुलगा आणि तीन मुली आहेत. गौरी यांच्या पार्थिवावर गोव्यात अंत्यसंस्कार करण्यात येणार आहेत.