Goa: पेडल प्राईड गोवा सायकलींग क्लब सदस्यातर्फे सायकलिंग बरोबरच स्वच्छता मोहीम (Garbage cleaning) राबविण्यात येत आहे.दर दिवशी सायकलींग (Cycling) करत असतानाच परिसर कचरा मुक्त करण्याची योजना त्यांनी आखली आहे.
या क्लबचे चोवीस सदस्य असून हल्लीच त्यांनी चापोली धरण ग्रामीण रस्त्यावर सायकलींग करून रस्त्याच्या कडेचा भाग कचरा मुक्त केला. या रस्त्याच्या कडेला फेकलेला दोन बॅग रिकाम्या काचेच्या बाटल्या व तीन बॅग प्लास्टिक कचऱ्याचे संकलन करून काणकोण पालिकेच्या कचरा यार्डात त्यांनी तो नेऊन दिला आहे.
या उपक्रमात क्लबच्या प्रसाद सुदीर, समय सुदीर, गौतम देसाई, जय पागी, सानिल गडो, प्रज्ञेश पागी व अधीश कुडतरकर यांनी भाग घेतला. परिसर स्वच्छ करण्यास गांधी जयंतीची वाट न पाहता नेहमीच स्वच्छता राखा, कचरा इतरत्र फेकू नका हा संदेश घेऊन दर दिवशी ते सायकलींग करत आहेत.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.
