Rama Kankonkar Assault: सामाजिक कार्यकर्ते रामा काणकोणकर यांच्यावर सहाजणांकडून जीवघेणा हल्ला; हल्लेखोर फरार

पणजी: सामाजिक कार्यकर्ते रामा काणकोणकर यांच्यावर सहाजणांकडून जीवघेणा हल्ला करण्यात आला आहे. करंझाळे येथे काणकोणकर यांना गाठून त्यांच्यावर हल्ला करण्यात आल्याची प्राथमिक माहिती मिळाली आहे. हल्लेखोरांनी चाकू, वायरने त्यांना मारहाण केल्याचे प्रत्यक्षर्शी सांगताहेत.

मिळालेल्या प्राथमिक माहितीनुसार, सामाजिक कार्यकर्ते रामा काणकोणकर यांच्या करंझाळे येथे सहा जणांनी जीवघेणा हल्ला केला. हल्लेखोरांनी चाकू, वायरने काणकोणकरांना मारहाण केली. हल्ला केल्यानंतर त्यांनी दुचाकीच्या मदतीने घटनास्थळावरुन पळ काढला. घटनेची माहिती मिळताच पोलिस घटनास्थळी दाखल झाले असून, अधिकचा तपास सुरु आहे.

विरोधी पक्षनेते युरी आलेमाव यांनी रामा काणकोण यांच्यावरील हल्ल्याचा निषेध केला आहे. हल्लेखारांना पोलिसांनी लवकरात लवकर अटक करावी. चुकीच्या गोष्टींबाबत आवाज उठवणाऱ्यांवरोधात गोव्यात गुंडागिरीचा ट्रेंड सुरु आहे, असे आलेमाव म्हणाले.

सामाजिक कार्यकर्ते रामा काणकोणकर भाजप सरकारविरोधात धाडसाने आवाज उठवत आहेत. त्यांच्यावर आज जीवघेणा हल्ला करण्यात आला. हा हल्ला केवळ काणकोण यांच्यावर नसून सत्ताधाऱ्यांनी प्रश्न विचारण्याचे धाडस करणाऱ्या प्रत्येक गोमंतकीयावरचा हल्ला आहे. आम्ही शांत बसणार नाही. आम्हाला न्याय हवा, अशी प्रतिक्रिया गोवा फॉरवर्डचे आमदार विजय सरदेसाई म्हणाले.