...तर मी मडगावातून निवडणूक लढवणार: बाबू आजगावकर

मडगाव: भाजप व मगो या दोन्ही पक्षांकडून पेडणेची (Pernem) दारे पूर्णतः बंद झाल्यानंतरही मडगावमधून लढणार नाही, असे म्हणणारे उपमुख्यमंत्री बाबू आजगावकर (Babu Ajgaonkar) यांनी आता भाजपच्या उमेदवारीवर मडगावातून निवडणूक लढवण्यास होकार दर्शविला आहे. (Babu Ajgaonkar Latest News)

काल मडगाव (Margao) येथे पत्रकारांनी मडगावात उभे राहणार का असे विचारले असता, पक्षाने जर मला मडगावातून निवडणूक (Election) लढविण्याचा हुकूम दिला तर मी तो नक्कीच मान्य करणार, असे त्यांनी सांगितले. मडगावातील मुस्लिम नेत्यांसह मुख्यमंत्री प्रमोद सावंत (Pramod Sawant) यांची भेट घेतली. त्यावेळी आजगावकर यांनी मडगावातून निवडणूक लढवावी, असा प्रस्ताव त्यांच्यासमोर ठेवला. सर्व भाजप (BJP) गटांना एकत्र आणण्यास मुख्यमंत्री तयार असल्यास मडगावातून निवडणूक लढविण्याची तयारी त्यांनी दर्शवली.