Goa News : अबब १२ फूट किंग कोब्रा; सर्पमित्राने केले वनखात्याच्या स्वाधीन

वाळपई , बिंबल सत्तरी येथील मनोज गणपुले यांच्या घरात मागील शौचालयात १२ फूट लांबीचा किंग कोब्रा सर्पमित्र प्रदीप गवंडळकर यांनी पकडून वनखात्याच्या स्वाधीन केले आहे.

बिंबल येथील मनोज गणपुले यांचा मुलगा निखील गणपुले यांना किंग कोब्रा दिसला. त्यांनी लगेचच प्रदीप गवंडळकर यांना संपर्क केला. गवंडळकर हे अवघ्या १५ मिनिटात सापाला पकडून वनखात्याकडे सुपूर्द केले आहे.

गवंडळकरांनी आत्तापर्यंत ५८ किंग कोब्रा, १ हजारांहून कोब्रा, ५०० हून घोणस, अन्य विषारी साप पाच हजार व आठ हजार विनबिषारी साप पकडून सुरक्षित सोडले आहे.

साप पकडून जीवनदान देण्याचे कार्य खरोखरच वाखाणण्यासारखे आहे. शालेय विद्यार्थांना घनदाट जंगलात, खडतर डोंगराळ भागात पदभ्रण मोहिम देखील ते राबवितात. विहिरीत पडलेल्यांना वन्य प्राण्यांनाही जीवनदान दिले आहे. एनिमल रेस्कूड स्कोडचे सदस्य म्हणून कार्यरत आहेत.