![SIT to Investigate Shivaji Maharaj Statue vandalism At Karaswada-Acoi Mapusa Goa](http://media.assettype.com/dainikgomantak%2F2023-08%2Ffe31cfa3-66b7-4b6b-8a9c-c477a98a0ca9%2Fmapusa.png?w=480&auto=format%2Ccompress&fit=max)
SIT to Investigate Shivaji Maharaj Statue vandalism At Karaswada-Acoi Mapusa Goa: करासवाडा- आकय येथील येथे छत्रपती शिवाजी महाराज यांच्या पुतळ्याची अज्ञातांनी विटंबना केल्याचा प्रकार उघडकीस आला.
याप्रकरणाचा तपास करण्यासाठी उत्तर गोवा पोलीस अधिक्षकांनी विशेष तपास पथक (SIT) स्थापन करावे अशा सूचना राज्याचे पोलीस महासंचालक जसपाल सिंह यांनी दिल्या आहेत. उत्तर गोवा पोलीस अधिक्षकांनी स्वत: प्रकरणात लक्ष घालून त्याच्या पाठपुरावा करावा असेही त्यांनी म्हटले आहे.
काय आहे प्रकरण?
करासवाडा-आकय येथे छत्रपती शिवरायांच्या पुतळ्याची अज्ञातांकडून विटंबना करण्यात आली. रात्रीच्या सुमारास घडलेली ही घटना आज सकाळी उघडकीस आली. या घटनेनंतर राज्यातील वातावरण चांगलेच तापले.
दरम्यान, पुतळ्याची विटंबना केल्याप्रकरणी दोषींवर गुन्हा दाखल करून योग्य कारवाई करावी अन्यथा आंदोलन करण्याचा इशारा शिवप्रेमींनी दिला आहे.
दरम्यान, त्यानंतर आता या प्रकरणाच्या तपासासाठी विशेष तपास पथक (SIT) स्थापन करण्याच्या सूचना देण्यात आल्या आहेत.
पुन्हा त्याच जागी स्थापन केला शिवरायांचा पुतळा
शिवप्रेमींनी याच ठिकाणी पुन्हा शिवरायांचा पुतळा उभारणार असल्याचे जाहीर केले. त्या प्रमाणे सायंकाळी आज शिवप्रेमींनी करासवाडा-आकय येथे छत्रपती शिवरायांच्या पुतळ्याची स्थापना केली.
आमदार कार्लुस फेरेरा आणि मंत्री सुभाष फळदेसाई हजर होते. दोघांनीही शिवरायांच्या पुतळ्याला जलाभिषेक घातला.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.