Shristhal: श्रीस्थळ येथे जमिनीच्या वादातून तुंबळ हाणामारी! दोन्ही गटांच्या तक्रारी दाखल; महिलेचा विनयभंग झाल्याचा दावा

काणकोण: श्रीस्थळ येथे जमिनीच्या वादातून दोन गटांत मारामारी झाली. दोन्ही गटांनी एकमेकांविरुद्ध पोलिस स्थानकात तक्रार दाखल केली आहे. कुष्ठा वेळीप व भिसो वेळीप यांनी व ४१ अन्य जणांनी हेतूपुरस्सर जमाव करून मारहाण केल्याचे तक्रारदार एका महिलेने पोलिसात केली आहे.

एका महिलेच्या अंगालाही हात लावून तिचा विनयभंग करण्याचा प्रयत्न केला, असे तक्रारीत म्हटले आहे. त्यांना ढकलून त्यांना मारझोड केली.

याच्या उलट चंद्रशेखर वेळीप यांनी कुष्ठा वेळीप व भिसो वेळीप व अन्य सोळा जणांनी अपशब्द वापरून मारहाण केल्याचे तक्रारीत म्हटले आहे. लाकडी दंडुके, लोखंडी कुलूप घेऊन त्यांनी मारहाण केल्याचे तक्रारीत नमूद करण्यात आले आहे.

या मारहाणीत जखमी झालेले कुष्ठा वेळीप व भिसो वेळीप यांना उपचारासाठी दक्षिण गोवा जिल्हा इस्पितळात दाखल करण्यात आले आहे. या प्रकरणी पोलिस उपनिरीक्षक अनुराधा देसाई व रामदास डोईफोडे पुढील तपास करीत आहेत.